शेतकऱ्यांना तत्काळ पिककर्ज द्यावे व शेतकऱ्यांचे खाते होल्ड काढावे – संतोष खारवणे

मंठा – वाटुर येथील स्टेट बॅक ॲाफ इंडिया शाखेला युवासेनेच्या वतीने संतोष खारवणे यांच्या नेतृत्वाखाली निवेदन देण्यात आले. शेतकऱ्यांना तत्काळ पिककर्ज देण्यात यावे व शेतकऱ्यांचे खाते होल्ड काढणे याबाबत निवेदन देण्यात आले. शेतकऱ्यांना पेरणीसाठी पैसे नसल्यामुळे काही शेतकऱ्यांनी पेरणी केली नाही. तर, काही शेतकऱ्यांनी पेरणीसाठी खाजगी कर्ज काढुन पेरणी केलेली आहे. शेतकऱ्यांना नेहमी संकटाचा सामना करावा लागतो. कधी ओला दुष्काळ तर, कधी कोरडा दुष्काळ. कधी ना पिक तर, कधी आवकाळी पाऊस. तसेच शेतकऱ्यांच्या शेतमाला योग्य भाव मिळत नाही. अशा अनेक संकटाचा सामना शेतकऱ्यांना करावा लागत आहे.

तेव्हा आपण लवकरात लवकर शेतकऱ्यांना पिककर्ज वाटप करावे व शेतकऱ्यांचे खाते होल्ड काढावे. नसता, आपल्या शाखेसमोर युवा सेना शिवसेना स्टाईलने शिवसेना जिल्हाप्रमुख ए.जे.पाटील बोराडे यांच्या मार्गदर्शनाखाली आंदोलन करण्यात येईल, असा इशारा देण्यात आला.

यावेळी संतोष खारवणे, राजु शिंदे, गजानन सोनवणे, राजु जाधव, महादेव शिंदे, केशव खारवणे, शेषराव चव्हाण, रामेश्वर निमट, रामभाऊ पळसे, अमोल खारवणे, देविदास राठोड, राजेश खारवणे, अमोल जाधव, देविदास राठोड आदींची उपस्थीती होती..